Ísraelar og Líbanar hefja fangaskipti

Skipti á föngum milli Ísraels og Hizbollah skæruliðasamtakanna í Líbanon fara fram í dag.

Skiptin hófust með því að Hizbollah létu Ísraelsmenn fá aftur líkamsleifar tveggja hermanna en þeim var rænt í árás fyrir tveimur árum síðan. Ættingjar hermannanna höfðu reyndar allt til dagsins í dag haldið í vonina að þeir væru enn á lífi.

Í staðinn mun Ísrael láta af hendi fimm líbanska fanga og einnig lík tvö hundruð líbanskra og palestínskra manna sem fallið hafa í bardögum.

Skiptin eru í höndum Rauða krossins en þau hafa mætt nokkurri andstöðu meðal stjórnmálamanna í Ísrael sem telja fimm lifandi fangar of hátt verð fyrir tvö lík. Aðrir hafa hins vegar sagt það siðferðislega skyldu ísraelskra stjórnvalda að koma líkamsleifum mannanna aftur til Ísraels.