Yfir 20 á slysadeild eftir hópslagsmál í flóttamannamiðstöð

Flytja þurfti 21 á slysadeild eftir hópslagsmál á flóttamannamiðstöð í bænum Valer sem er um það bil 100 kílómetra norðaustur af Osló í Noregi.

Er lögreglan kom á staðinn seint í gærkvöldi lá slasað fólk í blóði sínu um alla miðstöðina. Varðstjóri í lögreglunni segir í samtali við blaðið Verdens Gang að miðstöðin hefði einna helst líkst vígvelli.

Að sögn lögreglunnar hófust slagsmálin með deilu milli flóttamanna frá Tjetjeníu og Kúrda sem búa á flóttamannamiðstöðinni. Tjetjenarnir búa ekki á miðstöðinni en komu þangað á nokkrum bílum vopnaðir járnstöngum, slaghömrum og fleiri vopnum. Er lögreglan kom á staðinn 20 mínútum síðar voru Tjetjenarnir flúnir af vettvangi.

Fram kemur í norskum fjölmiðlum að Tejtejnar hafi áður verið búsettir á flóttamannamiðstöðinni en þeir hafi verið gert að yfirgefa hana. Höfðu þeir stöðugt í hótunum við aðra flóttamenn þar og gerðu þeim lífið leitt. Lögreglan í Noregi leitar enn að árásarmönnunum.