Miklu stolið úr rússneskum söfnum

Rannsókn yfirvalda í Rússlandi hefur leitt í ljós að tæplega 50.000 gripir eru horfnir úr almenningssöfnum þar í landi. Hlutirnir sem umræðir hafa horfið hvort heldur úr listasöfnum eða söfnum sem geyma sögulega gripi.

Þjóðminjasafnið í Moskvu upplýsti í júlí fyrir tveimur árum að 220 gripir að andvirði fimm millljón dollara úr Vetrarhöllinni væru horfnir. Hlutirnir voru allt frá skartgripum og trúartáknum til borðbúnaðar.

Í framhaldinu rannsökuðu yfirvöld 1600 almenningssöfn sem leiddi til þess að fjölmargir hafa verið ákærðir og þar á meðal rúmlega 100 starfsmenn safnanna.

Aftur á móti er greinilegt að stórhluti hlutanna var stolið á meðan Sovétríkin voru enn við lýði. Því má telja ljóst að erfitt verður að hafa upp á þeim þjófum sem létu til sín taka á því tímabili.