Samkynhneigður biskup gengur að eiga unnusta sinn

Gene Robinson, biskup í bandarísku biskupakirkjunni gekk í dag að eiga unnusta sinn til 19 ára, Mark Andrew. Athöfnin var borgaraleg og fór fram í Boston í Massachusettsríki. Massachusetts er eitt af fjórum ríkjum í Bandaríkjunum sem heimilar hjónaband samkynhneigðra.

Gene Robinson og hefur staðið í ströngu síðan hann var vígður biskup árið 2003. Þá klæddist Robinson skotheldu vesti þar sem hann hafði fengið fjöldann allann af líflátshótunum.

Robinson hefur aldrei farið í felur með samkynhneigð sína og hefur það farið fyrir brjóstið á íhaldssömum öflum innan biskupakirkjunnar. Margar kirkjudeildir hafa gengið svo langt að hóta úrsögn.

Mál Robinson verður án efa rædd fram og tilbaka á alheimskirkjuþingi biskupakirkjunnar sem haldið verður á Englandi á næsta ári. Robinson var ekki boðið á þingið en hefur engu að síður boðað komu sína.