Tölvukerfi San Francisco borgar er lamað

Tölvukerfi San Francisco borgar er nú lamað þar sem eini maðurinn sem hefur aðgangorðið að því situr í haldi lögreglunnar og neitar að gefa upp hvert aðgangorðið er.

Maðurinn, Terry Childs, er verkfræðingur sem vann í tölvudeild borgarinnar. Yfirmenn hans vildu reka hann nýlega þar sem hann þótt standa sig illa í starfinu. Childs kom þá upp nýju aðgangsorði að tölvukerfinu en lét engan annan vita af því.

Stjórnendur borgarinnar hafa því engan aðgang að kerfinu nú. Childs var svo handtekinn í vikunni sökum málsins og situr í gæsluvarðhaldi.