Andstæðar fylkingar í Simbabve tala saman

Stjórnarflokkurinn í Simbabve, Zanu-PF og báðar fylkingar í stjórnarandstöðuflokknum MDC hafa byrjað viðræður í Suður-Afríku. Þetta eru fyrstu viðræður þeirra síðan forsetakosningarnar voru í lok júní. Robert Mugabe forseti landins var þar einn í framboði eftir að Morgan Tsvangirai leiðtogi MDC dró framboð sitt tilbaka til þess að reyna að koma í veg fyrir ofbeldi í kringum kosningarnar.

Afríkusambandið hefur heitið á Simbabve að mynda ríkisstjórn sem eining geti ríkt um í Simbabve.

Mugabe, forseti Simbabve hefur sagt að viðræður geti ekki hafist nema að stjórnarandstöðuflokkurinn viðurkenni hann sem forseta. Tsvangirai hefur aftur á móti útilokað allrar viðræður nema allt ofbeldi eftir kosningar hætti.

Samkvæmt frétt á vef BBC er ekki enn ljóst hvort eitthver árangur verði af þessum viðræðum en sagt er að báðar fylkingar geri sér nú grein fyrir að eina leiðin fram á við séu viðræðu og að deila völdum.