Býður upp líf sitt á eBay

Eftir misheppnað hjónaband langar Ástralanum Ian Usher að byrja upp á nýtt. Hann hefur sett líf sitt á uppboð á Ebay.

Þeir sem vilja lifa lífi Ian Usher geta nú boðið í það á Ebay. Á heimasíðu Ian getur maður séð myndir af íbúðinni hans, bílnum og upplýsingar um vinnuna hans.

Allt er til sölu.

Ian Usher gerðist ástralskur ríkisborgari árið 2006. Á síðasta ári ákváðu hann og kona hans, Laura, að skilja.

"Hún var sú besta í heima," segir Ian um konu sína. Hann segist ekki enn hafa náð sér eftir skilnaðinn. Hann þrái að byrja upp á nýtt en hafi ekki getað tekið skrefið.

Nú sé komið að því.

"Markmið mitt er að eftir uppboðið á eBay eigi ég ekkert nema veskið í öðrum vasanum og vegabréfið í hinum. Ég ætla að fara beint upp á flugvöll og taka fyrsta flug sem ég sé."

Ian segist jafnframt hafa fengið sinn skerf af gagnrýni fyrir þessa dramatísku ákvörðun.

"Þetta er bara mín leið til að kljást við það sem hefur gerst," segir hann.

Þeir sem hafa áhuga á lífi Ian geta kynnt sér hvað er í boði á heimasíðu hans hér. Uppboðiðnu líkur eftir rúman sólahring.