Fjórir stungnir til bana í London í gær

Fjórir menn, þar á meðal einn unglingur voru stungnir til bana í London í gær. 42 ára maður fannst særður fyrir aftan krá í Tottenham, 19 ára unglingur dó í árás í Edmonton, 20 ára maður með stungusár dó eftir að hafa klesst bíl sinn í Leyton og ráðist er á fjórða manninn í Walthamstow. Allir þessir staðir eru í norðurhluta London.

Hinn 19 ára unglingur fannst kl. 14.30 að staðartíma í gær eftir að lögreglan var kölluð út. Hann var fluttur á spítala þar sem hann lést af sárum sínum. Hann var tuttugasti unglingurinn sem hefur dáið í London á þessu ári.

Hinn 20 ára gamli maður dó eftir að hafa klesst bílinn sinn en hann hafði lent í deilu við hóp manna. Sá sem fannst í Walthamstow hafði verið stunginn bæði brjóstkassann og höfuðið og dó klukkutíma seinna af sárum sínum.

Boris Johnson, borgarstjóri í London hefur lýst samúð sinni með fjölskyldum fórnarlambanna. Hann telur Londonarbúa þurfa að sameinast í því að komast að rótum þessarar glæpaöldu sem riðið hefur yfir borgina. Þetta kemur fram á fréttavef BBC.