Medvedev um Pútín: Við höfum ólíkan stíl

Dmitry Medvedev, forseti Rússlands sagði í dag að forsetatíð hansi muni hafa annan tón en átta ára forsetatíð forvera síns, Vladimir Pútin.

"Leiðin til framtíðar hefur ekki breyst fyrir Rússland. Markmiðið er að Rússland verði þróað land, með sterkum efnhag," sagði Medvedev á blaðamannfundi sem haldinn var í tilefni fundar G8 þjóðanna í Japan í næstu viku.

Medvedev sagði að þótt stefnubreyting væri ekki að vænta gætu Rússar átt von á að sjá blæbrigðamun á stjórnunarstíl hans og Pútíns.

"Þetta á bæði við um innríkis og utanríkismál," sagði Medvedev. "Við höfum aðeins ólíkan stíl eins og á eftir að koma í ljós."