Blair gefur Brown góð ráð

Tony Blair fyrrum forsætisráðherra Bretlands gefur Gordon Brown núverandi forsætisráðherra ráð í ólgunni sem nú ríkir í kringum þann síðarnefnda. Hann hefur sagt honum hvernig hann geti sigrað næstu kosningar, þetta segir Cherie Blair í The Times í dag.

Hún segir að eiginmaður sinn hefði vikið til hliðar fyrir kosningarnar árið 2005 ef Gordon Brown hefði treyst sér í ólguna sem ríkti í kringum embættið.

Blair þjáðist af skorti á sjálfstrausti vegna Íraks og fannst hann bera ákveðna ábyrgð gagnvart kjósendum sínum. Hann ákvað hinsvegar að sitja áfram og berjast fyrir innanríkismálum sínum vegna þess að Brown "hringlaði í lyklunum fyrir ofan höfuð á honum".

Brown mistókst vegna þess að ef hann hefði bakkað Blair upp í hugmyndum hans í menntamálum, heilbrigðismálum og lífeyrismálum, "hefði Tony vikið, það er ekki spurning," segir Cherie. „Í staðinn ákvað Tony að sitja kyrr og berjast fyrir þeim hlutum sem hann hafði trú á."