Fjórar milljónir vörubíla af vegum Indlands vegna verkfalls

Vörubílstjórar á Indlandi eru í verkfalli til þess að mótmæla hækkandi eldsneytiskostnaði. Þar af leiðandi vantar nærri fjórar milljónir vörubíla á vegi Indlands sem aka matvöru og öðrum nauðsynjavörum á milli staða í landinu.

Vörubílstjórar segja að olíuverð hafi skollið harkalega á þeim en það hefur hækkað um 40 prósent á þessu ári. Kostnaður við eldsneyti sé svo mikill að þeir eigi erfitt með að komast af.

Líklegt er að verð muni hækka í landinu í kjölfar verkfallsins og hagvöxtur í landinu minnka. Hið hækkandi verð eldsneytis hefur neytt stjórnvöld á Indlandi til þess að skerða niðurgreiðslur á eldsneyti. Indland flytur inn nærri 75 prósent hráolíu og stjórnar verði eldsneytis til þess að hafa stjórn á verðbólgu og til verndar hina fátæku.