Brixtofte útilokaður frá dönskum stjórnmálum

Kjörgengisnefnd í Danmörku hefur komist að því að Peter Brixtofte, fyrrverandi bæjarstjóri í Farum í útjaðri Kaupmannahafnar, geti ekki tekið þátt í dönskum stjórnmálum framar.

Brixtofte var fyrr á þessu ári dæmdur í tveggja ára fangelsi í Hæstarétti fyrir stórfellda spillingu og umboðssvik. Brixtofte var meðal annars sakfelldur fyrir að hafa misfarið með milljónir danskra króna af fé bæjarins með því að láta hann gangast í ábyrgðir sem ekki var heimild fyrir og fyrir að hafa látið bæinn borga reikninga á veitingahúsum sem voru bænum óviðkomandi.

Brixtofte hefur setið í bæjarstjórn Furesö að undanförnu en vegna ákvörðunar kjörgengisnefndarinnar ber honum nú að víkja.