Kanadískur hundur þykir álitlegur til klónunar

Fimmtán ára gamall Schäfer-hundur í Halifax í Kanada hefur verið valinn heppilegasti klónunarhundur heims eftir mikla leit fyrirtækisins BioArts.

Verður hundurinn sendur til Suður-Kóreu þar sem vísindamenn klóna hverja einustu frumu hans og reyna að skapa fullkomna eftirmynd hans. Þetta er reyndar ekki í fyrsta sinn sem Trakr, en svo heitir dýrið, kemst í fréttirnar því hann var útnefndur hetja eftir að hann fann síðustu manneskjuna sem bjargað var á lífi úr rústum tvíburaturnanna í New York eftir 11. september 2001.