Leita hælis hjá bandaríska sendiráðinu

Um 220 manns hafa safnast saman fyrir utan bandaríska sendiráðið í

Harare, höfuðborg Simbabve, í von um að þeim verði veitt pólitískt hæli.

Fólkið segist hafa orðið fyrir ofsóknum í kjölfar forsetakosninganna sem fram fóru í landinu um síðustu helgi.

Fólkið segist hafa orðið fyrir ofsóknum vegna stuðnings síns við Morgan Tsvangirai sem dró framboð sitt gegn Robert Mugabe forseta til baka skömmu áður en kosningarnar fóru fram vegna þess að hann hann var farinn að óttast um öryggi sitt.

Þónokkrar fregnir af ofbeldisverkum gegn stuðningsmönnum Tsvangirsi hafa borist í vikunni. Sjálfur hefur Tsvangirai leitað hælis oftar en einu sinni. Fyrst í Suður-Afríku. Svo í hollenska sendiráðinu í Harare. Hann dvelur hins vegar nú á heimili sínu í borginni.

Starfsfólk bandaríska sendiráðsins hefur í kvöld reynt að útvega þeim sem safnast hafa fyrir utan sendiráðið húsaskjól en ekki er vitað hvernig það hyggst bregðast við þeirri stöðu sem upp er kominn.