Sigur hjá Jóa Kalla og félögum

Jóhannes Karl Guðjónsson og félagar í Burnley unnu í dag 2-1 sigur á Notthingham Forest á útivelli í ensku B-deildinni í dag.

Jóhannes Karl kom inn á sem varamaður á 63. mínútu en það var Graham Alexander sem skoraði sigurmark leiksins úr vítaspyrnu sjö mínútum síðar. Hann skoraði reyndar bæði mörk Burnley í leiknum.

Ívar Ingimarsson lék allan leikinn fyrir Reading sem tapaði, 2-0, fyrir Ipswich á útivelli í dag. Þá var Aron Einar Gunnarsson ekki í leikmannahópi Coventry sem gerði markalaust jafntefli við Preston.

Wolves og Birmingham eru á toppi deildarinnar með þrettán stig eftir tólf leiki. Reading er í því níunda, Coventry í ellefta og Burnley í því nítjánda.

Úrslit dagsins:

Birmingham - Doncaster 1-0

Blackpool - Barnsley 1-0

Crystal Palace - Swansea 2-0

Cardiff - Bristol City 0-0

Charlton - Wolves 1-3

Coventry - Preston 0-0

Ipswich - Reading 2-0

Nottingham Forest - Burnley 1-2

Plymouth - Norwich 1-2

Sheffield Wednesday - Watford 2-0