Chavez segir nýjar reglur ESB um innflytjendur fasískar

Hugo Chavez, forseti Venesúela, hótar refsiaðgerðum gegn þeim Evrópulöndum sem taki upp nýjar reglur Evrópusambandsins um ólöglega innflytjendur.

Mannréttindasamtök hafa gagrnýnt þær. Samkvæmt þeim má meðal annars vista ólöglega innflytjendur í sérstökum búðum í allt að eitt og hálft ár neiti þeir að fara úr landi.

Chavez segir nýju reglurnar fasískar. Hann hótar að hætta olíusölu til ríkja sem taki þær upp og að banna rekstur þarlendra fyrirtækja í Venesúela. Aðeins lítið af olíu frá Venesúela fer til Evrópu en mörg evrópsk fyrirtæki eru starfandi í landinu, þar á meðal France Total og Statoil í Noregi.