Þrjár sjálfsmorðssprengingar í Baghdad

25 manns létust og um 52 særðust í þremur sjálfsmorðssprengingum í Baghdad í morgun. Fórnalömbin voru Shia-múslimar í pílagrímsför í Baghdad til að taka þátt í árlegum hátíðarhöldum þeirra. Sprengjuáraásamennirnir voru allar konur sem eiga auðveldara með að komast í gegnum öryggishlið og fela sprengjur inn á sér.

Miklar öryggisráðstafanir hafa verið í Baghdad vegna pílagrímshátíðar Shia-múslima en sprengingar af völdum Sunni-múslima eru algengar á slíkum hátíðum. Yfirvöld í Írak hafa náð að minnka tíðni þeirra til muna.

Erfitt þykir þó að koma í veg fyrir sjálfsmorðsprengingar á meðal fólks á götum úti einkum vegna víðra klæða kvenna þar í landi. Hefur þó verið gert átak í Írak sem hefur þann tilgang að þjálfa konur til þess að leita af sjálfsmorðssprengjum á öðrum konum.