Tvær sprengjur kostuðu 16 lífið í Istanbul

Að minnsta kosti 16 eru látnir og meir en 150 sárir eftir hryðjuverkaárás í verkamannahverfi í Istanbul höfuðborg Tyrklands í gærkvöldi.

Samkvæmt fréttum frá sjónvarpsstöðunni NTV voru tvær sprengjur sprengdar í hverfinu og var annarri þeirra komið fyrir í símklefa. Um leið og sprengjan í símklefanum sprakk hljóp fólk til að kanna hvað væri um að vera. Og þá sprakk hin sprengjan rétt hjá.

Í fyrstu taldi lögreglan og björgunarlið að um gassprengingar hefði verið að ræða en þær munu nokkuð algengar í Istanbul. Við nánari rannsókn kom í ljós að svo var ekki. Ekki er vitað hverjir stóðu hér að verki og engin hefur lýst ábyrgð á árásinni á hendur sér.

Mikil pólitísk spenna er nú í Tyrklandi þar sem dómstóll mun á morgun taka afstöðu til hvort stjórnarflokkurinn, AKP, hafi notast við ólöglegar múslimskar aðferðir í starfi sínu. Ríkissaksóknari landsins hefur ákært flokkinn fyrir að ætla að breyta Tyrklandi í múslímskt ríki þar sem sharia-löggjöfin eigi að ráða.