Nektarmynd af sex ára stúlku veldur deilum í Ástralíu

Mynd af nakinni sex ára gamlli stúlku framan á þekktu listatímariti í Ástralíu hefur vakið mikið uppnám og deilur í landinu.

Þetta er í annað sinn á skömmum tíma sem myndir af nöktum börnum hafa vakið miklar deilur í Ástralíu. Myndin af stúlkunni birtist framan á tímaritinu Art Monthly Australia og segir ritstjóri þess að myndbirtingin sé ætluðu sem mótmæli gegn því að nýlega létu stjórnvöld í landinu loka ljósmyndasýningu þar sem þemað var nakin börn.

Áströlskum stjórnvöldum er ekki skemmt og ætla þau að draga verulega úr ríkisstryk til tímaritsins af þessum sökum. Kevin Rudd forsætisráðherra Ástralíu er æfur af reiði vegna forsíðumyndarinnar og segir að hann hafi fengið upp í kok af svona efni.

Ritstjórinn segir að hann hafi vitað af því að myndbirtingin myndi vekja deilur en ætlun hans hafi verið að skapa einhvern virðuleika um þá umræðu sem verið hafi í landinu um nekt og börn sem myndefni í list.