Erlent

Önnur flutningavél á vegum Kalitta Air brotlendir

Frá vettvangi í Kólumbíu í morgun.
Frá vettvangi í Kólumbíu í morgun. MYND/AP

Fimm manns létust þegar flutningavél á vegum bandaríska flugfélagsins Centurion Air Cargo brotlenti eftir flugtak frá flugvellinum í Bogota í Kólumbíu í morgun.

Vélin, sem var af gerðinni Boeing 747 og á leið til Miami með blómafarm, lenti í erfiðleikum eftir um einn og hálfan tíma á flugi og hrapaði á bóndabæ í bænum Casablanca í Kólumbíu. Bóndi og sonur hans létust auk þriggja úr átta manna áhöfn flugvélarinnar. Þeir sem komust lífs af voru fluttir á sjúkrahús í nærliggjandi borg. Orsakir flugslyssins liggja ekki fyrir.









Flugvélin sem brotnaði í tvennt í Brussel.MYND/AP
Fraktflugfélagið Centurion Air Cargo er með höfuðstöðvar í Miami en það var flugfélagið Kalitta Air sem rak flugvélina. Aðeins er einn og hálfur mánuður frá því að sams konar flugvél frá Kattila Air rann út af flugbraut í Brussel í Belgíu og brotnaði í tvennt. Þá slösuðust fjórir af fimm í áhöfninni lítillega.

Mest lesið


Fleiri fréttir

Sjá meira


×

Mest lesið