Norður-Írar halda sínu striki

Norður-Írar unnu öruggan sigur á Lichenstein á útivelli í F-riðli undankeppni EM í fótbolta í kvöld, 4-1, og halda þannig sigurgöngu sinni í riðlinum áfram. David Healy skoraði þrennu fyrir liðið í kvöld. Spánverjar hafa 1-0 forystu gegn Dönum eftir fyrri hálfleik og hefur einum leikmanni Dana verið vikið af leikvelli.

Bakvörðurinn Niclas Jensen var vikið af leikvelli strax á 20. mínútu eftir að hann fékk að líta sitt annað gula spjald. Spánverjar náðu að nýta sér mismuninn á 35. mínútu þegar Fernando Morientes kom þeim yfir. Staðan í hálfleik er 1-0.

Norður-Írar eru með 10 stig í öðru sæti riðilsins, og hafa nú hlotið 10 stig af síðustu 12 mögulegum eftir að hafa tapað fyrir Íslendingum í fyrsta leik sínum í riðlinum. Ef Spánverjar sigra Dani komast þeir upp í fjórða sæti með sex stig, einu stigi minna en Danir hafa.