Garðar ráðinn til Leiknis

Garðar Gunnar Ásgeirsson hefur verið ráðinn þjálfari 1. deildarliðs Leiknis í Breiðholti á nýjan leik. Garðar hætti þjálfun liðsins fyrir ári síðan en er nú kominn aftur á heimavöll.

Garðar þjálfaði liðið árin 2004-2006 en þá náði það frábærum árangri. Hann tók við liðinu sem nýliðum í 2. deild og endaði það í þriðja sætinu á fyrsta tímabilinu undir hans stjórn. Árið á eftir vann það 2. deildina og hélt síðan sæti sínu í 1. deild árið á eftir.

Garðar er uppalinn Leiknismaður en nú í sumar þjálfaði hann hjá Fjölni. Hann þjálfaði 2. flokk Grafarvogsliðsins og var sérlegur ráðgjafi Ásmundar Arnarssonar.

Leiknir náði í sumar besta árangri í sögu félagsins þegar það hafnaði í sjötta sæti 1. deildarinnar. Liðið byrjaði þó tímabilið illa og um mitt tímabil var Óli Halldór Sigurjónsson rekinn. Daninn Jesper Tollefsen tók þá við en hann tók fyrir stuttu við Víkingum.