Eggert Magnússon í viðtali við Guardian

Eggert Magnússon, stjórnarformaður knattspyrnuliðsins West Ham, segir að þær tölur sem hafi verið nefndar varðandi launagreiðslur liðsins til leikmanna hafi verið slitnar úr öllu samhengi. Í viðtali við breska blaðið Gurdian hafnar hann þeirri gagnrýni að leikmenn fái of mikið greitt.

Blaðið segist hafa heimildir fyrir því að leikmennirnir Parker, Bellamy, Ljungberg og Lucas Neill fái allt upp í níu milljónir íslenskra króna á viku, en Eggert segir að leikmenn fái ekki greitt meira en sjö milljónir. Eggert segir í viðtalinu að hann hafi haft verulegar áhyggjur af slöku gengi liðsins á síðasta tímabili en hann hafi ekki leyft sér að gefa upp vonina um að ástandið myndi batna.

Þá ræðir Eggert mál leikmannsins Carlos Tevez, en Eggert segir að deilur um hann hafi skapað West Ham slæman orðstír.

Hægt er að lesa viðtalið við Eggert í Guardina með því að smella á hlekkinn hér að neðan.