Rússnesk yfirvöld gera tilkall til hluta Norðurpólsins

Rússnesk yfirvöld lýstu því yfir í gærkvöldi að þau telji hluta Norðurpólsins vera landfræðilega tengdan Rússlandi. Með þeim rökum gera þau tilkall til svæðisins en talið er að þar sé að finna gríðarlegt magn af olíu og verðmætum málmum. Bandaríkin og Kanada hafa formlega mótmælt yfirlýsingunni. Samkvæmt sáttmála Sameinuðu þjóðanna getur engin þjóð gert tilkall til Norðurpólsins eða landgrunnsins í kring. Rússar lögðu fram álíka kröfu fyrir fimm árum en var þá hafnað.