Varnarmálaráðherra Spánar segir árásina hafa verið skipulagða

Fimm friðargæsluliðar biðu bana í dag þegar sprengja sprakk við bíl þeirra í suðurhluta Líbanons í dag. Þrír hinna látnu voru frá Kólombíu en tveir frá Spáni. Þrír spánverjar slösuðust í sprengingunni. Enginn hefur lýst ábyrgð árásarinnar á hendur sér en varnarmálaráðherra Spánar segir að um skipulagða árás hafi verið að ræða.

Öfgahópar í Líbanon hafa undanfarið hótað því að ráðast að friðargæsluliðum á svæðinu en Líbanskir hermenn hafa háð harða bardaga við meðlimi Fatah al-Islam hreyfingarinnar. Yfirvöld í Líbanon segja að meðlimir hreyfingarinnar sem hafa verið handteknir hafi viðurkennt að árásir á friðargæsluliðið hafi verið fyrirhugaðar, að því er fréttamaður BBC á svæðinu greinir frá.

Í fyrstu var á huldu hvað hefði ollið sprengingunni en Jose Antonio Alonso, varnarmálaráðherra Spánar segir yfirvöld vera þeirrar skoðunnar að um fjarstýrða sprengju hafi verið að ræða eða sjálfsmorðsárás.

Hezbollah samtökin hafa fordæmt árásina sem þeir segja ætlaða til að auka á óöryggið í landinu.

Friðargæsluliðar Sameinuðu Þjóðanna hafa verið við störf í suðurhluta Líbanons allt frá árinu 1978 en mjög var bætt í liðsaflann á síðasta ári eftir átök Ísraelsmanna og Hezbollah og nú eru um 13 þúsund gæsluliðar á svæðinu