Úrslitakeppnin á Wembley

Lokaleikirnir í úrslitakeppni ensku deildanna í knattspyrnu fara fram á hinum nýja og endurbætta Wembley leikvangi.

Þetta var tilkynnt þegar Wembley fékk öryggisvottorð eftir tvo vel heppnaða upphitunarleiki á vellinum. Það kostaði rúma 103 miljarða króna að reisa hinn nýja Wembley.

Þau lið sem vinna sér sæti í útsláttakeppni um laust sæti í úrvalsdeild, fyrstu deild og annarri deild keppa því einnig að því að leika á Wembley. Það er draumur margra knattspyrnumanna að fá að stíga inn á þennan sögufræga leikvöll.