Skaðræðisrollur í sælgætisleit

Ný umhverfisvæn saltkorn sem notuð eru til að selta hála vegi í Wales í Bretlandi hafa reynst of góð - alla vega hjá kindum í nágrenninu. Sykur-líkur hjúpur saltsins þykir það bragðgóður hjá sauðunum í Flintshire að þeir flokkast upp á vegina eftir að saltbíllinn hefur farið hjá, og borða saltið upp til agna.

Hið umhverfisvæna salt er húðað sykurhlaupi svo það festist betur í hálku í stað þess að renna eða fjúka af veginum.

Elfed Evans sem býr í Lixwm sagði að um leið og saltbíllinn væri farinn hjá hópuðust kindurnar í hundruðum upp á vegina til að gæða sér á góðgætinu í boði bæjarins. Hann segir að talið sé kindurnar finni einhverskonar áhrif af sykurhúðinni og verði háðar henni.

Óskað hefur verið eftir því að bærinn hætti að nota umhverfisvæna saltið.

Starfsmaður bæjarstjórnar sagði að þeim væri kunnugt um málið, en einnig væri vitað að kindur gætu laðast að saltinu sjálfu. Kosturinn við umhverfisvæna saltið séu minni eyðandi áhrif á farartæki og vegina sjálfa.