Ítalskir hermenn áfram í Afganistan

Mið- og vinstri stjórn Romanos Prodis á Ítalíu samþykkti á maraþonfundi í gærkvöld að halda tæplega tvö þúsund manna herliði sínu í Afganistan áfram í landinu.

Töluverðar deilur hafa verið um málið milli ríkisstjórnarflokkanna að undanförnu og sátu þrír ráðherrar græningja og kommúnista hjá við atkvæðagreiðslu um málið til þess að láta í ljós andstöðu sína. Ítalska þingið á svo eftir að samþykkja að leggja áfram fé til verkefnisins en það er gerir þingið á hálfs árs fresti. Er jafnvel talið ríkisstjórn Prodis geti lent í vandræðum með málið í öldungadeild ítalska þingsins þar sem meirihluti hennar er mjög tæpur.

Ítölsk yfirvöld kölluðu hermenn sína heim frá Írak í fyrra vegna gagnrýni heima fyrir en Prodi hefur hins vegar neitað að gera það sama í Afganistan þar sem herliðið sé þar við friðargæslu.