Jade Goody í kuldanum eftir Big brother

Breska sjónvarpsstjarnan Jade Goody reynir nú að klóra í bakkann eftir umtalaða þáttaröð raunveruleikaþáttarins Big brother. Hún skapaði sér mikla óvild í þáttunum með stríðni og dónaskap við indverska leikkonu og var sökuð um kynþáttahatur. Sjónvarpsstöðin Living TV og ilmvatnsframleiðandi sem var í samstarfi við hana hafa sagt upp samningum.

Living TV gerðu þrjár þáttaraðir á tveimur árum um það þegar hún setti á fót snyrtistofu. Þá voru tvær þáttaraðir sem sýndu frá því hvernig henni gekk að markaðssetja ilmvatnslínu á Indlandi og þegar hún leitaði að aðstoðarmanni. Nú segist stöðin ekki hafa nein áform um frekari samvinnu með Jade.