Erlent

Draumastúlkurnar fengu flestar tilnefningar til Óskarsverðlauna

Leikonurnar Beyonce Knowles, til vinstri, Anika Noni-Rose, í miðjunni, og Jennifer Hudson mæta á frumsýningu Draumastúlknanna á Odeon Leicester Square í London.
Leikonurnar Beyonce Knowles, til vinstri, Anika Noni-Rose, í miðjunni, og Jennifer Hudson mæta á frumsýningu Draumastúlknanna á Odeon Leicester Square í London. MYND/AP
Kvikmyndin Draumastúlkurnar eða Dreamgirls hlaut flestar tilnefningar til Óskarsverðlauna í ár eða átta. Tilnefningarnar voru kynntar í Beverly Hills í Bandaríkjunum í dag. Kvikmyndin Babel hlaut sjö tilnefningar.

Þær kvikmyndir sem tilnefndar eru til Óskarsverðlauna í flokknum besta kvikmyndin eru myndirnar: Babel, The Departed, Letters from Iwo Jima, Little Miss Sunshine and The Queen.

Leikstjórarnir Alejandro Gonzalez Inarrit, Martin Scorsese, Clint Eastwood, Stephen Frears og Paul Greengrass eru tilnefndir til verðlauna fyrir leikstjórn. Inarrit fyrir Babel, Scorsese fyrir The Departed, Eastwood fyrir Letters from Iwo Jima, Frears fyrir The Queen og Greengrass fyrir United 93.

Óskarsverðlaunin verða afhent í 79 sinn þann 25. febrúar næstkomandi í Hollywood.

Allar tilnefningarnar má finna á heimasíðu athafnarinnar.

Mest lesið


Fleiri fréttir

Sjá meira


×

Mest lesið