Erlent

Álit umheimsins á Bandaríkjunum minnkar

MYND/AP
Álit bæði innanlands og utan á utanríkisstefnu Bandaríkjamanna fer þverrandi samkvæmt skoðanakönnun sem breska ríkisúrvarpið hefur látið gera. Leitað var svara hjá 25 þjóðum og voru þrír fjórðu aðspurðra óánægðir með hvernig Bandaríkjamenn tækju á ástandinu í Írak.



Þá leiddi könnunin enn fremur í ljós að í 18 löndum af 25 fækkaði þeim sem telja Bandaríkjamenn hafa jákvæð áhrif í heiminum. Í þessum löndum voru tæp 30 prósent á því að Bandaríkin hefðu jákvæð áhrif en 40 prósent voru sömu skoðunar fyrir þremur árum. Hins vegar var tæplega helmingur svarenda í löndunum 25 á því að Bandaríkin gegndu neikvæðu hlutverki í heiminum.



Þá eru tveir af hverjum þremur andvígir því hvernig Bandaríkjamenn haga sér gagnvart föngum í Guantánamo-búðunum og svipað hlutfall var óánægt með aðkomu Bandaríkjanna að stríðinu milli Ísraela og Hizbollah í fyrrasumar. Þá voru sex af hverjum tíu óánægðir með hvernig Bandaríkin taka á kjarnorkudeilunni við Írana.

Könnunin var gerð í nóvember og janúar og er birt í dag, sama dag og Bush Bandaríkjaforseti heldur stefnuræðu sína á bandaríska þinginu.
Bandaríkin

Mest lesið


Fleiri fréttir

Sjá meira


×

Mest lesið