Eþíópískir hermenn á förum frá Sómalíu

Eþíópískir hermenn eru byrjaðir að yfirgefa Sómalíu fjórum vikum eftir að þeir komu inn í landið til að hjálpa stjórnarhernum að hrekja burt uppreisnarhreyfinguna Íslamska dómstólaráðið. Eþíópískur hershöfðingi tilkynnti þetta í dag við athöfn þar sem stríðsherrar skiluðu vopnum sínum.

Veru erlendra hermanna hefur verið mótmælt í höfuðborginni og hafa nokkrir dáið í átökum undanfarna daga. Eþíópískir hermenn hafa verið grýttir með öllu lauslegu og jafnvel skotið á þá. Þá hafa þeir svarað með skothríð.

Afríkusambandið ætlar að setja saman friðargæslusveit sem á að koma í staðinn fyrir Eþíópíuher. Hingað til hafa samt einungis Úganda og Malaví lofað að senda lið til Sómalíu.