Bið á að Blair hverfi frá

Tony Blair, forsætisráðherra Bretlands, ætlar að minnsta kosti að sitja í embætti fram yfir leiðtogafund Evrópusambandsins í júní. Blair hyggst hann láta af embætti forsætisráðherra á þessu ári en hefur ekki viljað segja neitt um hvenær hann yfirgefur Downingstræti. Í dag lýsti hann því yfir að hann ætlaði sér að sækja leiðtogafundinn í júní og því ljóst að fjármálaráðherrann Gordon Brown, sem búist er við að taki við af honum, þarf að bíða enn um sinn eftir embættinu.