Rannsaka aðild Olmerts að einkavæðingu banka

Ríkissaksóknari í Ísrael fyrirskipaði í dag rannsókn á aðild Ehuds Olmerts, forsætisráðherra landsins, að einkavæðingu Leumi-bankans árið 2005. Þetta kemur fram í tilkynningu frá dómsmálaráðuneyti Ísraels í dag að því er Reuters-fréttaveitan greinir frá.

Kannað verður hvort Olmert hafi hyglað tveimur kaupsýslumönnum, sem eru nánir vinir forsætisráðherrans, í tengslum við einkavæðinguna en fram kemur að þeir hafi ekki keypt bankann. Þá hefur Olmert alla tíð neitað því að hafa brotið lög með aðkomu sinni að málinu.