Dvaldi mánuðum saman á hóteli án þess að greiða fyrir það

Karlmaður í Danmörku þarf væntanlega að sætta sig við ögn minni munað eftir að hann var dæmdur í 13 daga fangelsi fyrir fjársvik, en hann var ákærður fyrir að dvelja á tveimur hótelum í langan tíma án þess að greiða fyrir það.

Fram kemur á vef Jótlandspóstsins að maðurinn hafi skráð sig inn á hótelin í nafni danskra símafyrirtækja og dvalið þar í góðu yfirlæti í marga mánuði. Þegar hann yfirgaf hótelin bað hann um að reikningarnir yrðu sendir til símafyrirtækjanna sem reyndust svo ekkert kannast við manninn. Alls hljóðu reikningarnir upp á tæplega fimm milljónir íslenskra króna en maðurinn getur huggað sig að hann þarf ekkert að greiða fyrir fangelsisvistina.