Maóistar taka sæti á nepalska þinginu

Þingmenn á nepalska þinginu samþykktu í dag bráðabirgðastjórnarskrá sem gerði það að verkum að fulltrúar maósta tóku sæti á þinginu.

Munu maóistar hafa um fjórðung þingsæta á bráðabirgðaþingi sem stofnað hefur verið til en verkefni þess að undirbúa kosningar fyrir sérstakt þing í sumar sem ætlað er að búa til uppkast að nýrri stjórnarskrá sem gilda á til frambúðar. Þar verður jafnframt tekin afstaða til þess hvort afnema eigi konungveldi í landinu en Gyanendra konungur var sviptur völdum í fyrra í kjölfar mótmæla.

Talið er að þrettán þúsund manns hafi fallið í átökum skæruliða maóista og stjórnvalda sem stóðu í áratug en lauk á síðasta ári með friðarsamningum.