Átök eftir föstudagsbænir í Bagdad

Hópur vígamanna sem grunað er að hafi verið sjíamúslimar réðust til atlögu á súnnímosku þegar föstudagsbænum var að ljúka í Bagdad í dag. Tveir verðir sem vörnuðu þeim inngöngu særðust í árásinni en enginn særðist alvarlega. Mennirnir virtu að vettugi vikulegt bílabann í kringum föstudagsbænir á götum Bagdad.

Mennirnir skutu af vélbyssum inn í moskuna og réðust síðan á öryggisverði við hliðin og annað fólk á svæðinu. Lögregla mætti fljótlega á staðinn og skakkaði leikinn. Vitni segja samt að eftir að lögregla hafi verið farin þá hafi sprengjum verið varpað á svæðinu.