Lofar reiðum hermönnum bættum aðstæðum

Tony Blair, forsætisráðherra Bretlands, lofaði í dag að bæta aðstæður hermanna í Bretlandi um leið og hann sagði hermönnum að þeir yrðu að halda áfram að berjast til þess að Bretar töpuðu ekki áhrifum sínum á alþjóðavísu. Þetta var í fyrsta skipti sem forsætisráðherrann viðurkennir reiði hermanna og lofar að bregðast við.

Blair lofaði meðal annars að ríkisstjórnin myndi setja aukið fjármagn í að bæta búnað hermannanna og bústaði. Hann hélt þessa ræðu um borð í breska herskipinu HMS Albion í Plymouth og sagði þar að þegar á heildina væri litið væri breski herinn mjög vel búinn. Hann viðurkenndi hins vegar að að það hefði verið : "nokkur reiði yfir gölluðum vopnum eða skotfærum, stígvélum og hlífðarfatnaði, réttum farartækjum eða röngum og vandamál með flutninga til og frá vígvellinum og heim."