Lacrosse-leikmenn í faðernispróf

Dómari í nauðgunarmáli hefur skipað þremur lacrosse-leikmönnum að gefa lífssýni til faðernisprófs eftir að kona sem nýverið eignaðist dóttur kærði þá fyrir að hafa nauðgað sér í gleðskap í Duke University í Bandaríkjunum. Lögfræðingar konunnar fóru fram á faðernisprófið í desember.

Dómarinn fyrirskipaði faðernisprófið í desember en ákvörðunin var ekki kunngjörð fyrr en nú. Heimildarmaður AP-fréttastofunnar segir konuna hafa eignast dóttur í síðustu viku en það hefur ekki verið tilkynnt opinberlega ennþá.

Konan hefur nú fallið frá nauðgunarkærunni en heldur fast við kæru um kynferðislega misnotkun og mannrán. Mennirnir þrír halda allir fram sakleysi sínu.