Beckham skrifar undir samning við Los Angeles Galaxy

Enski knattspyrnumaðurinn David Beckham fer frá spænska liðinu Real Madrid í lok tímabilsins og gengur í raðir Los Angeles Galaxy. Beckham sagði í samtali við Reuters fréttastofan í dag að hann væri reiðubúinn að skrifa undir fimm ára samning við bandaríska félagið.

Beckham er þrjátíu og eins árs og gekk í raðir Real Madrid árið 2003 eftir að hafa spilað með Manchester United.

Reuters fréttastofan greinir frá því að samningurinn sem David Beckham gerir við LA Galaxy sé einn allra stærsti samningur sem sögur fara af í sögu atvinnuíþrótta, því hann muni fá meira en 18 milljarða króna fyrir samninginn.

Ímynd David Beckham hefur í nokkur ár spilað stórt hlutverk í samningi leikmannsins og í samningi hans við Real Madrid var ákvæði sem færði honum 50% af ímyndartengdum varningi, s.s. eins og treyjusölu. Hann er sagður fá 100% þessara tekna samkvæmt samningi sínum við LA Galaxy.