Loftferðasamningur í uppnámi

Loftferðasamningur milli Evrópusambandsins og Bandaríkjanna er í uppnámi, eftir að Bandaríkjamenn neituðu að leyfa útlendingum að eiga meira en 25 prósenta hlut í bandarískum flugfélögum.

Samningur um aukið frelsi í flugi yfir Atlantshafið var undirritaður árið 2005, með fyrirvara þó. Eignarhluti útlendinga í bandarískum flugfélögum er takmarkaður við 25 prósent. Einn liður samningsins laut að hækkun á þeim hlut. Þar stendur hnífurinn í kúnni.

Talsmaður bandaríkjastjórnar segir að þótt þeir séu tilbúnir til þess að auka frelsi í flugi, sé svo mikil andstaða við stærri eignarhlut útlendinga, að af því geti ekki orðið. Bæði stjórnmálaflokkarnir tveir og flugfélögin lögðust eindregið gegn því.