ETA lýsir yfir ábyrgð á tilræði á Madrídarflugvelli

Aðskilnaðarsamtök Baska, ETA, segjast bera ábyrgð á bílsprengju sem sprakk á Madrídarflugvelli fyrir tíu dögum þar sem tveir menn létust. Samtökin birtu yfirýsingu þessa efnis í dagblaðinu Gara en þar birtast jafnan sjónarmið ETA. Í sömu yfirlýsingu sögðu samtökin þó að yfirlýsing þeirra um vopnahlé frá því í mars á síðasta ári væri enn í gildi en spænsk stjórnvöld slitu friðarviðræðum við ETA eftir tilræðið í Madríd. Í morgun var greint frá því að franska lögreglan hefði handtekið tvo félaga í ETA í suðurhluta Frakklands í tengslum við sprengjutilræðið í Madríd en þetta var í fyrsta skipti í þrjú og á hálft ár sem maður deyr í tilræði samtakanna.