Snarpur skjálfti í Norðursjó á sunnudag

Öflugur jarðskjálfti varð í Norðursjó aðfaranótt sunnudagsins og fannst víða á vesturströnd Noregs. Fram kemur vef Aftenposten að skjálftinn hafi verið 4,8 á Richter og er hann sá stærsti sem mælst hefur í Norðursjó í nærri tuttugu ár.

Upptök hans voru 200 kílómetra vestur af Florey í Noregi og varð hans einnig vart á Hjaltlandseyjum. Haft er eftir prófessor í jarðfræði við Háskólann í Björgvin að fjölmargir hafi haft samband við háskólann til þess að fá staðfestingu á því að þeir hefðu fundið fyrir skjálfta en engin hætta var á flóðbylgju í tengslum við skjálftann að sögn prófessorsins.