Einstakt afrek

Bandarísk kona synti tæpa tvo kílómetra í jökulköldu hafinu við Suðurheimskautið. Þetta þykir einstakt afrek og er aðeins vitað um einn annan mann þolir slíkan kulda. Það er Guðlaugur Friðþórsson sem synti um fimm kílómetra að landi eftir skipskaða austur af Heimaey fyrir meira en tuttugu og tveimur árum. Og enn standa vísindamenn á gati yfir þessu afreki.

Sagt var frá bandarísku afrekskonunni Lynn Cox í fréttaskýringaþættinum 60 mínútur á Stöð2 í gærkvöld og fylgst með þegar hún synti tæpa tvo kílómetra meðal mörgæsa í nístingsköldum sjónum við Suðurheimskautið.

Fyrir meðalmanneskju væri þetta glapræði og dauðinn vís innan fimm mínútuna, en Cox komst af þrátt fyrir að vera um hálftíma í sjónum, þar sem hitiastigið er um sex gráður. Hvernig hún fer að þessu og hvað það er sem gerir hana frábrugðna er í raun ekki vitað.

Bill Keatingue, prófessor við Lundúnarháskóla, segir að aðeins sé vitað um eina aðra menneskju sem hafi lifað af eftir svo langan tíma í köldum sjó. Þar á prófessorinn við Guðlaug Friðþórsson sem öðlaðist heimsfrægð þegar vélbáturinn Hellisey, sem hann var háseti á, fórst suðaustur af Heimaey árið 1984. Fimm voru í háhöfn bátsins en Guðlaugur komst einn af. Hann synti um 5 kílómetra í land og aðstæðurnar voru öllu verri en þær sem Cox upplifði við Suðurheimskautið. Það var vonskuveður þessa nótt við Vestmannaeyjar og Guðlaugur gekk berfættur yfir hraunið, sem var þá enn heitt. Einstakt afrek og Guðlaugur í raun ofurkarl eins og enn og aftur er nú vitnað um.