Dani myrti fyrrverandi sambýliskonu og tvö börn

32ja ára danskur maður var handtekinn í Sønderborg í Danmörku í dag grunaður um morðin á fyrrverandi sambýliskonu sinni og tveimur börnum þeirra. Börnin voru fjögurra og sex ára. Ódæðið átti sér stað að heimili mæðginanna en málið hefur vakið mikinn óhug í Danmörku.

Ástæðan er ekki ljós en hálft ár er síðan konan flutti með börnin út frá manninum eftir margra ára sambúð. Móðirin og sex ára drengur voru kyrkt en fjögurra ára stúlkan var skorin á háls.

Maðurinn hefur ekki fyrr komið við sögu lögreglunnar en hann sætir á morgun yfirheyrslu með dómara.