3,8 milljarðar og 340 kíló af gulli fyrir kókaín

Kólumbíska lögreglan telur sig hafa fundið stærsta kókaínsjóð sem nokkurn tímann hefur verið gerður upptækur í heiminum. Lögreglumenn fundu peninga að jafnvirði 3,8 milljarða íslenskra króna og 340 kíló af hreinu, 24 karata gulli. Peningarnir tilheyra höfuðpaur Norte del Valle-fíkniefnahringsins sem var upprættur í vikunni.

Talið er að fíkniefnahringurinn sem einn af þeim umfangsmeiri og að alls hafi hann smyglað meiru en 500 tonnum af kókaíni til Bandaríkjanna á undanförnum árum. Níu hafa verið handteknir vegna málsins.

Höfuðpaurinn hefur ekki náðst en fyrstu hugmyndir stjórnvalda um það hvernig fénu verði varið eru meðal annars að byggja félagslegar íbúðir fyrir fátæka íbúa í Cali, heimabæ höfuðpaursins.