Þrír dagar í reykingabann í Frakklandi

Frá og með 1. febrúar næstkomandi verður bannað að reykja í opinberum stöðum, nema á kaffihúsum og veitinga- og skemmtistöðum í Frakklandi. Veitingasalar hafa ár til að aðlagast, þar verður bannað að reykja 1. febrúar á næsta ári. Reykingabannið mun breyta ásýnd Frakklands þar sem löngum hefur búið ein mesta reykingaþjóð Evrópu.

Þessi ákvörðun ríkisstjórnarinnar var tilkynnt í lögbirtingablaði þeirra Frakka, Journal Officiel, í formi reglugerðar frá Dominique de Villepin, forsætisráðherra.

Undantekningar eru hins vegar víðar en á veitingastöðum, nokkrir viðkvæmir staðir eru einnig undanskyldir. Það gildir um hjúkrunarheimili, hótel og fangelsi, þar sem fólk dvelst eða býr um hríð. Þar má það reykja inni í sínu einkarými.