Ástralir drekki endurunnið skolp

Íbúar í Queensland í Ástralíu munu bráðlega fá endurunnið skolpvatn í kranavatninu, að því er fylkisstjórinn hefur sagt. Hugmyndin nýtur afar lítilla vinsælda hjá íbúunum en fylkisstjórinn segir engra annarra kosta völ og sama muni eflaust eiga við um fleiri fylki Ástralíu á næstu árum.

Úrkoma hefur verið undir meðallagi um gjörvalla Ástralíu en hvergi kveður jafnrammt að og í Queensland, þar sem miklir þurrkar hafa orðið talsverð áhrif á umhverfi og lífsskilyrði fólksins.

Skolpvatn er þegar endurunnið á stöðum eins og Singapúr og í Bretlandi.