Flugvél flaug á flutningabíl

Ökumaður lítils flutningabíls lést þegar farþegaflugvél í innanlandsflugi í suðurhluta Frakklands flaug inn í bílinn. Flugvélin, sem er gerðinni Fokker 100 og með rúmlega 50 farþega, var að taka á loft frá flugvelli nærri Pýrenafjöllunum þegar fugl flaug inn í annan hreyfil vélarinnar. Við það þurftu flugmenn vélarinnar að nauðlenda henni nærri flugvellinum en það tókst ekki betur en svo að flugvélin lenti á bílnum með fyrrgreindum afleiðingum. Engan í flugvélinni sakaði.