Bandaríkjamenn og Norður-Kóreumenn funda

Samninganefndir Bandaríkjamanna og Norður-Kóreumanna munu hittast á ný á þriðjudaginn í næstu viku, 30. janúar. Þar verður m.a. rætt um norðurkóreska bankareikninga á Maká-eyju, sem Bandaríkjamenn frystu. Norður-Kóreumenn krefjast þess að fá aftur aðgang að þessum peningum áður en þeir íhugi kjarnorkuafvopnun.

Bandaríkjamenn krefjast þess á móti að Norður-Kóreumenn láti af meintum auðgunarglæpum. Bandaríkjamenn hafa meðal annars sakað kommúnistaþjóðina um að falsa Bandaríkjadali og smygla eiturlyfjum til Bandaríkjanna.